El proyectu de presupuestos de Xixón pa 2025 xube a 303,5 millones  

La izquierda considera que ye un presupuestu que nun da respuesta a les necesidaes

El proyectu de presupuestos del Conceyu de Xixón pa 2025 xube a 303.500.000 euros. Supón una medría d'un 0.6% respecto al actual exerciciu. Les cuentes fueron presentaes esta mañana a los grupos de la oposición.

El presupuestu solo ye superior en 2 millones respecto al añu pasáu, pero dende Facienda matízase que la medría ye mayor si tenemos en cuenta l'importante amenorgamientu de la delda anguaño. Fechu esti que va dexar cuntar con 5,4 millones d'euros adicionales a un capítulu d'inversiones que supera los 32.

Vox nun va faer valoraciones del proyectu presupuestariu hasta estudialu en fondura. Les primeres crítiques a estes cuentes llegaron dende la izquierda, por parte de Marina Pineda, conceyala del PSOE, Javier Suárez, conceyal d'IX – MP - IAS y Olaya Suárez, conceyala de Podemos nel Conceyu de Xixón

La próxima selmana van empecipiase les comparecencies de les conceyalíes pa desglosar los presupuestos per árees. La pretensión del equipu de Gobiernu ye llevalu a aprobación el 7 de payares.